مجمع المدارس تعلیم الکتاب والحکمۃ کی آفیشل ویب سائٹ پر خوش آمدید

جمع المدارس تعلیم الکتاب والحکمۃ نے مؤرخہ 02 اگست 2021ءکو مدارس بوڈرز کی تعارفی نسشت کا انعقاد کیا اس اجلاس میں دیگر مدارس کے مدیران نے بھی شرکت فرمائی۔

اجلاس سے خطاب کرتے ہوئے اُستاد محترم سید جواد نقوی نے فرمایاکہ دینی مدارس کو جدید دور کے تقاضوں سے ہم آہنگ کرکے نصاب میں جدت لانا ہوگی۔

پاکستان کے تمام وفاق ہائے دینی مدارس نے متحد ہو کر چلنے پر اتفاق کرلیااورنصاب کی خامیوں سمیت دیگر امور بھی مشترکہ مشاورت سے حل کئے جائیں گے، اس بات کا فیصلہ لاہور کے جامعہ عروۃ الوثقیٰ میں ہونیوالے وفاق ہائے مدارس کے صدور اور سربراہوں کے اجلاس میں کیا گیا۔

اجلاس میں شرکت کرنے والے مدارس بورڈز کے مدیران:

 1۔مجمع المدارس تعلیم الکتاب و الحکمۃ کے صدر علامہ سید جواد نقوی، ناظم اعلیٰ علامہ ناصر المہدی کربلائی،

2۔نظام المدارس پاکستان کے صدرمفتی امداد اللہ قادری، ناظم اعلیٰ علامہ میر آصف اکبر، 

3۔اتحاد المدارس العربیہ کے صدر شیخ الحدیث مفتی زبیر فہیم، ناظم اعلیٰ مفتی احمد ضیاء مدنی،

 4۔بورڈ آف اسلامک ایجوکیشن کے صدر کرنل (ر) سید شفیق احمد، ناظم اعلیٰ مولانا احسان الحق شہباز، 

5۔اتحاد المدارس الاسلامیہ پاکستان کے ناظم اعلیٰ قاری شیخ یعقوب، 

6۔مجمع العلوم اسلامیہ پاکستان کے ناظم امتحانات ڈاکٹر سید ایاز شاہ، 

7۔جامعہ بنوریہ العلامیہ مفتی فصیح احمد خان  

اجلاس میں مستقبل میں باہمی ہم آہنگی اور مشاورت کا لائحہ عمل طے کیا گیا، اس کے علاوہ مدارسِ دینیہ کو درپیش مشکلات کا بھی جائزہ لیا گیا اور ان کے موثر حل کیلئے مشاورت کی گئی۔ اس ضمن میں مدارس کے نصاب کی مشکلات، فرقہ واریت کے خاتمے اور آئندہ کیلئے موثر رابطے کے طریقہ کار کا جائزہ لیا گیا۔

اجلاس کے میزبان اور مجمع المدارس تعلیم الکتاب و الحکمۃ کے صدر اُستاد محترم سید جواد نقوی نے کہا کہ دینی مدارس کو جدید دور کے تقاضوں سے ہم آہنگ کرکے نصاب میں جدت لانا ہوگی۔ انہوں نے کہا کہ روایتی دینی علوم کیساتھ ساتھ سائنسی، طبی، معاشرتی اور معاشی علوم کو بھی نصاب کا حصہ بنا کرمدارس میں جدت لائی جا سکتی ہے۔

فرقہ واریت کے حوالے سے ماضی میں مدارس کو استعمال کیا گیا، اس سوچ کی بھی حوصلہ شکنی کرتے ہوئے مدارس کے تقدس کو بحال کرنا ہوگا۔ اجلاس کے شرکاء نے مدارس کی ترقی اور وفاق ہائے مدارس کی کامیابی کیلئے ہرممکن تعاون کی یقین دہانی کروائی۔