مجمع المدارس تعلیم الکتاب و الحکمۃ کا امتحانی طریقہ کار اور شرائط و ضوابط:

۱۔ تمام مدارس، یونیورسٹیز کا لجز کے طلباء اس امتحانی بورڈ کے تحت منعقد ہونے والے امتحانات میں شامل ہوسکتے ہیں۔

 ۲۔درجہ عالمیہ کے لیے کسی دینی بورڈ سے درجہ عالیہ یا اس کے مساوی ڈگری کا ہونا ضروری ہے۔

۳۔درجہ عالیہ کے لیے کسی دینی بورڈ سے مطلوبہ نچلے متوسطہ درجے یا اس کے مساوی سند کا ہونا ضروری ہے۔

۴۔عصری اداروں کے اسلامیات اور عربی میں بی۔ اے آنر یا ماسٹر کرنے والے طلباء کو درجہ عالمیہ میں داخلہ دیا جائے گا۔ اسی طرح مڈل میٹرک اور

ایف اے پاس طلباء بھی بالترتیب درجہ عامہ، خاصہ، عالیہ اور عالمیہ کے امتحانات میں شرکت کے مجاز ہیں۔

۵۔نچلے درجات کے امتحانات میں وہ طلباء بھی شرکت کر سکتے ہیں جن کے فارم کے ساتھ دینی ادارے کے مہتمم یا ناظم تعلیمات کی طرف سے ادارے

کے لیٹر پیڈ پر مصدقہ بیان لف ہو۔

۶۔ہر درجہ میں داخلہ کے لیے داخلہ فارم کے ساتھ چار عدد رنگین تصاویر اور شناختی کارڈ، ب فارم کا ہونا ضروری ہے۔

۷۔امیدوار وکو چاہئے کہ وہ اپنا داخلہ فارم ادارے کے مہتمم کو امتحانی تاریخ سے قبل مقررہ وقت کے اندر پہنچائیں۔

۸۔امتحانات کے نتائج کا اعلان ۲ ماہ کے اندر اندر کیا جائےگا۔